| ТАНИЛЦУУЛГА И. Мөнхжаргал нь 1978 онд төрсөн. Эхнэр 3 хүүхдийн хамт амьдардаг. 1986 -1996 онд Нийслэлийн 77-р дунд сургууль, 1997-2001 онд Монгол улсын Техникийн Их сургуулийн Хөнгөн үйлдвэрийн технологич инженер, 2002-2004 онд ШУТИС-ийн Техникийн ухааны магистр, 2004-2006 онд Бизнесийн Удирдлагын магистр, 2013-2015 онд “Түшээ” дээд сургуулийг эрхзүйч мэргэжлээр тус тус төгссөн. 2002-2009 онд Өвөрхангай аймгийн ШУТИС-д Менежментийн багш, 2004-2012 онд “Төгөлдөр Өв” ХХК-ний захирал, 2009 оноос одоог хүртэл “ Бат Энх Хүү ” ХХК-ний захиралаар ажиллаж байна. 2003 оноос Өвөрхангай аймгийн Ардчилсан намын хорооны гишүүн, 2005-2010 онд Өвөрхангай аймгийн Ардчилсан Залуучуудын Холбооны тэргүүн, 2007-2013 онд Өвөрхангай аймгийн Ардчилсан намын дэд дарга, 2012 оноос Өвөрхангай аймгийн ИТХ-ын төлөөлөгч, аймгийн ИТХ дахь Ардчилсан намын бүлгийн дарга, 2015 оноос Ардчилсан намын Үндэсний Зөвлөлдөх Хорооны гишүүн, 2013 оноос Өвөрхангай аймгийн Ардчилсан намын даргаар тус тус сонгогдон ажиллаж байна.
|
