1961 онд Завхан аймгийн Нөмрөг сумд төрсөн. Ам бүл 4. Эхнэр, хүүхдүүдийн хамт амьдардаг.

Тэрээр 1979 онд Нөмрөг сумын 10 жилийн дунд сургууль, 1984 онд МУИСургууль, 2003 онд Удирдлагын Академийг Төрийн удирдлагын менежер, 2012 онд Отгонтэнгэр Их сургуулийг тус тус төгссөн . Астрофизикч, Физикийн багш, эрх зүйч мэргэжилтэй.

 Боловсрол судлалын магистр цолтой.

Ажилласан байдал:

 Завхан аймгийн Тосонцэнгэл сумын 1-р сургууль, Баянхайрхан  сумын 8 жилийн сургууль, Нөмрөг сумын 10 жилийн сургуульд физик, математик, одон орон, мэдээлэл зүйн багш, Асгат, Нөмрөг сумын сургуулийн захирал, Нөмрөг сумын Засаг дарга, аймгийн Засаг даргын Тамгын Газрын дарга, Монгол улсын Төрийн албаны зөвлөл, Шведийн төрийн захиргааны олон улсын институтын хамтарсан “Суралцагч байгууллагыг хөгжүүлэх манлайлал” сургалтын мастер сургагч багш,  2011 оноос аймгийн Монгол Ардын Намын Хорооны дарга,  2012 оны 12-р сарын 09 өдрөөс  Завхан аймгийн Засаг даргаар сонгогдон ажиллаж байна.  

Сонгуульт ажил:

Монголын Хувьсгалт Залуучуудын Эвлэлийн анхан шатны үүрийн даргаар 13 жил Монгол Ардын Намын  анхан шатны үүр, хорооны даргаар 14 жил ажилласан. Аймгийн Ардын Хурлын депутатаар 1 удаа / 1990 онд/,  аймгийн ИТХ-ын төлөөлөгчөөр 3 удаа, сумын  ИТХ-ын төлөөлөгчөөр 3 удаа сонгогдсон байна. Монгол Ардын намын Бага хурлын гишүүн. 

Шагнагдсан байдал:

 Алтангадас одон, Хөдөлмөрийн гавъяаны улаан тугийн одон, Ардын Хувьсгалын 80, 90 жилийн ойн медаль, Их Монгол Улс байгуулагдсаны 800 жилийн ойн медаль, Монгол Улсын Боловсролын, Төрийн албаны, Нутгийн удирдлагын тэргүүний ажилтан, Залуу үеийг халамжлан хүмүүжүүлэгч цол тэмдэг болон бусад шагналаар шагнагдаж байсан.